韓膳宮韓國料理 (已結業)

好耐無食韓燒啦，咁岩朋友又好想食，而且呢間新餐廳佢食過覺得唔錯的，於是就決定試試！因為我有事遲到，朋友先入座，幸女好餐廳位置算方便又近地鐵站，我呢個路痴依照朋友簡單嘅指示就搵到餐廳位置啦。一入到餐廳，店員友善地帶我去朋友既座位，佢地已經享用緊餐前小食啦😂。呢啲韓式小碟係我至愛，佢嘅涼伴小芥蘭真係唔錯，充滿蒜香，咸味剛好，相當開胃！朋友一早已經order定啲野食，所以我一坐低就有得食啦！1. 韓國生醃醬油蟹 $138因為我本身對蝦蟹敏感，所以無試到蟹，不過朋友食得津津有味，佢地話蟹雖然唔算多肉多膏黃亦唔大隻，但勝在夠新鮮，無腥味。我試左少少醬油，甜甜地，咸味不重，加左薑同辣椒的確降低左佢嘅腥味。2. 牛肉拼盤 $220食緊蟹嘅同時，店員已經幫我地開定燒爐。牛肉拼盤一上枱我地就迫不及待開始燒啦！拼盤有3種牛嘅唔同部位，而我最愛嘅係牛肋骨，因為牛肋骨長長的又連骨，都幾難燒，幸好有店員代勞，剪+燒，讚！肉本身已醃好，不用沾醬都夠味！3. 烤牛脷 $88又係牛！哈哈。牛脷薄切serve, $88一大碟，份量十足。因為係薄切所以放上燒爐燒幾燒就食得，如果烤太耐好易會過硬過韌。牛脷邊緣燒得香脆，焦焦