威仕頓餐廳 (已結業)

上星期去上環見客, 途經威仕頓餐廳, 見個餐牌都幾吸引, 價錢又便宜, 所以入去一試。餐廳位於上環電車路大街, 近地鐵站, 交通方便, 環境算不錯, 夠寬敞, 裝修都算有特色。點了個加拿大牛扒配紅酒燒汁跟薯菜。塊牛扒都算厚身, 食落唔靭又好 juicy, 配埋個紅酒燒汁, 十分美味, 薯條唔太油膩。忌廉湯夠濃滑又 creamy, 如果唔想要湯, 可以揀蒜蓉包。熱奶茶夠港式, 十分濃。成個套餐份量剛剛好, 都係 $66, 在上環商業區嚟講, 確係抵食之選。