Olive Cafe (已結業)

今日同兩個朋友過黎再encore ，選擇困難症既關係，今次又係叫左3個set dinner再加其他野食，3個set dinner 都要左餐湯-南瓜湯，主菜係德國蜜糖芥末烤鹹豬手、酥脆香草焗羊架 、紐西蘭西冷扒配青胡椒汁。另外再叫左芝士煙肉焗生蠔同炸薯條。南瓜湯南瓜湯都煮得幾creamy，如果再濃啲就更加好。炸薯條大大條，熱辣辣，面頭有啲巴馬臣芝士，再配埋個黑松露蛋黃醬都幾好味。紐西蘭西冷扒配青胡椒汁中間切開仲有粉紅色，有好多肉汁，牛味都算濃。德國蜜糖芥末烤鹹豬手蜜糖芥末味道較淡，如果再濃多少少就好，豬手肉既鹹度適中而且啖啖肉，外皮亦夠脆，份量都幾大份，粗薯條夠多。酥脆香草焗羊架有3件羊架，大大件，擺得好靚仔，羊架面頭鋪滿香草，我地叫左7成熟，羊肉好軟身，肥膏唔多，好好味。最後叫左一杯熱辣辣既檸檬蜜為今餐劃上完美既句號。總括黎講，店員都幾好服務，經常主動加水，環境唔錯好舒服，價錢亦都唔貴，食物質素都唔錯，最好味係焗羊架，最欣賞係每道主菜都有沙律同薯條做配菜中和下肉既肥膩，下次都會再去食。