鮪世市場 (已結業)

今日試咗呢間係坑口gateway food lane入面嘅呢間鮪世市場🇯🇵佢有啲似立食壽司嘅鋪頭咁，得七個位到，不過就有櫈坐嘅佢哋呢度每一款壽司都可以叫一舊，變咗可以試多幾款🍣🍣除咗有壽司，仲有刺身同埋手卷，都幾多選擇㗎👍🏻我哋每樣都叫咗啲，我自己唔食吞拿魚🐟，不過同行嘅朋友表示藍鰭吞拿魚係好食嘅😋😋，我自己就鍾意食蟹膏壽司🦀，不過咁多舊最好食嘅係火炙左口魚裙邊，入口即溶，超好食🤤，即刻要再追加多舊啊🤭刺身我就推介磯煮鮑魚，個磯煮汁幾好味，鮑魚都爽口彈牙🤗除咗魚刺身，今日仲特別有宮崎遠東松島生蠔，叫咗兩隻嚟試，海水味比較重，蠔味就淡一啲，不過都可以一試架👍🏻