紅蔥頭

營業中

休息中

有朋友相約帶小朋友去紅磡置富都會去學興趣班，父母有一個小時偷閒，就決定一齊食d野，結果來到呢間。呢到好抵食，有午餐set到2pm，大概60幾到80蚊。下午茶就要2:30pm先開始。我地三個人有兩個都唔算太肚餓，所以最後決定叫咗一個午餐加兩個下午茶餐。 午餐叫咗一個法式牛柳粒配蕃茄紅飯，呢個應該係假日先有嘅，$70再加$8加個沙律，紅飯有d輕微椰子味，幾好食，牛柳煎得好香，又好嫩，旁邊本身都有個沙律菜同蕃茄用mayo醬。$8加個個沙律，就主要係沙律菜同埋粟米，有沙律醋。之後再加$3要杯橙汁。下午茶就要左星洲炒米，好夠鑊氣，份量都好大碟，但係最好食一定係個咸酥流心芝士多士。超多cheese！