野川拉麵の深燒食堂

營業中

休息中

昨天去元朗逛街，晚上朋友想食日本野，我們就去野川拉麵食晚餐，這店裝修幾有格調，感覺幾時尚年青，座位亦濶落寬敞。六品刺身盛盒，一次可試不同的刺身，我最喜愛食三文魚腩，又肥又厚，入口充滿油香，口感超正。海膽好新鮮，清甜可口，加埋紫菜一齊食，無得輸。赤蝦壽司，赤蝦夠大隻，十分鮮甜，蘸些醬油勁有滿足感。豬軟骨贊岐手打烏冬，都幾大碗，豬軟骨軟滑，手打烏冬好彈牙，豬骨湯底都濃郁，整體食味平衡，不錯。椰汁流心球，外皮超酥脆，裏面是流心椰醬，椰味濃厚，而且不太甜，感覺油而不膩。芝士年糕，入口軟糯，外皮微脆，煙煙韌韌，好令人愛上。塩燒鮑魚，好大隻，燒得很香，肉質很有彈性，達到咸香鮮的效果，統對要試。墨丸牛丸串燒，好抵食，只是12元一串，便宜過街邊食，而且好彈牙爽口。柚子八香果特飲，是我覺得好好好飲，八香果味香濃，加上柚子香味，醒神開胃，感覺又健康，正！牛角包窩夫配朱古力雪糕，見到已流口水，即時開動第二個胃的功能，窩夫好香脆又熱辣辣，配埋雪糕一冷一熱，必試之選。