Maple Yogurt (已結業)

位於西營盤一個唔算起眼既地方，但係味道出乎意料之外的一間乳酪小店！入面的環境都幾特別, 裝潢令人舒服。牆的畫畫好有心機, 映相也一流!Golden Harvest乳酪用左北海道特選3.6牛乳（點解我知？因為我睇住佢落，佢一開門我就去食。不過建議大家遲少少先去食, 因為未必準時開到門架），乳酪食落都幾濃既牛奶味，亦好CREAMY, 唔會太酸太甜，所以個人認為個乳酪底係好好味既！重點同埋份量夠多, 成杯係滿架!Golden Harvest有楓糖漿、燕麥片、芒果布甸同麥芽餅碎，個楓糖漿都好好味（好似話係加拿大楓糖），燕麥片同餅碎都好夾，乳酪因為夠多所以唔會食到好乾爭爭。但芒果布甸就一般了，有D甜而且有搶左乳酪風頭的感覺！