Oliver's Super Sandwiches (已搬遷) 新店位置

行過見到呢個二人餐只係$148，平均人均七十幾蚊，相當抵食！包d咩呢？有酥皮湯，熱辣辣，將酥皮整落忌廉湯入面一齊食，酥皮鬆化；小食有蔬菜卷及芝士薯波，兩者都有熱度，入口唔油膩；主菜有黑松露牛肝菌忌廉蘑菇扁意粉，醬汁味道似層相識，同某炸雞店嘅磨菇飯同味道，略為咸左d，扁意粉有口感；再有主菜選了經典公司三文治，原份都好大份下，材料豐富，選用麥包，比較乾身但感覺健康d！仲有tiramisu 做甜品，細細件過下口癮都可以！咖啡另加錢轉latte, 入口香滑又大杯，夠成餐飲用！