影片
更多
2024-10-29
223 瀏覽
2024年10月14日 星期一呢日約咗個舊同事放工之後喺灣仔食飯，想搵個靜靜地唔使咁快交枱嘅地方等我哋可以成晚暢所欲言所以就選擇咗大有商場嘅呢間餐廳，位置方便之餘，餐廳地方又夠大，環境又夠晒寧靜餐牌上都有幾多食物可以選擇，而且仲有提供二人套餐，只係需要$198就可以有齊前菜、主菜、甜品同飲品，睇落去性價比都幾高，所以我哋就決定叫咗呢個餐，主菜就升級咗要Ribs同炸魚薯條等咗一陣飲品就首先送到，分別係凍檸蜜同芒果熱情果梳打，份量都幾大杯，我要嘅係芒果熱情果梳打，味道酸酸甜甜幾清新，飲完之後好開胃，加上夠晒冰凍之後有迷你田園沙律，裝滿晒成個碗，上面鋪滿菜同蕃茄，醬汁幾清新，啲菜咬落去幾爽脆，仲有麵包粒添跟住又主菜醬燒豬肋骨配沙律薯條，冇諗過成條肋骨會咁大條，燒得啱啱好，外皮有少少脆口，裏面嘅肉質又會太韌，醬汁唔會太多，食完都唔會覺得好膩，只係如果情侶嚟食應該會食唔晒，另外薯條都炸得好香口，咬落去脆卜卜另一個主菜炸魚薯條同樣地整得好出色，炸漿唔會太厚，裏面嘅魚肉仍然保持嫩滑，加埋檸檬汁一齊食感覺會冇咁油膩，而且餐廳用咗阿拉斯加魚肉，對於可持續發展嚟講比較環保最後甜品有迷你雪糕牛角酥，香脆嘅牛
呢日約咗個舊同事放工之後喺灣仔食飯，想搵個靜靜地唔使咁快交枱嘅地方等我哋可以成晚暢所欲言
所以就選擇咗大有商場嘅呢間餐廳，位置方便之餘，餐廳地方又夠大，環境又夠晒寧靜
餐牌上都有幾多食物可以選擇，而且仲有提供二人套餐，只係需要$198就可以有齊前菜、主菜、甜品同飲品，睇落去性價比都幾高，所以我哋就決定叫咗呢個餐，主菜就升級咗要Ribs同炸魚薯條
等咗一陣飲品就首先送到，分別係凍檸蜜同芒果熱情果梳打，份量都幾大杯，我要嘅係芒果熱情果梳打，味道酸酸甜甜幾清新，飲完之後好開胃，加上夠晒冰凍
之後有迷你田園沙律，裝滿晒成個碗，上面鋪滿菜同蕃茄，醬汁幾清新，啲菜咬落去幾爽脆，仲有麵包粒添
跟住又主菜醬燒豬肋骨配沙律薯條，冇諗過成條肋骨會咁大條，燒得啱啱好，外皮有少少脆口，裏面嘅肉質又會太韌，醬汁唔會太多，食完都唔會覺得好膩，只係如果情侶嚟食應該會食唔晒，另外薯條都炸得好香口，咬落去脆卜卜
另一個主菜炸魚薯條同樣地整得好出色，炸漿唔會太厚，裏面嘅魚肉仍然保持嫩滑，加埋檸檬汁一齊食感覺會冇咁油膩，而且餐廳用咗阿拉斯加魚肉，對於可持續發展嚟講比較環保
最後甜品有迷你雪糕牛角酥，香脆嘅牛角酥上面加咗一大球雪糕，味道冰涼但又食到牛角酥嘅脆口，食埋甜品真係已經飽晒！！
張貼
