沙巴泰越館

營業中

休息中

二人餐真係好豐富，而且好岩我們既口味。因為我要食熟的，所以揀B餐。泰式炸蝦餅配酸辣無骨鳳爪炸蝦餅切半，炸至金黃酥脆，蝦膠爽口彈牙。無骨鳳爪食起嚟好方便，酸酸辣辣，非常開胃。泰式豬頸肉沙律豬頸肉煎至微微焦香，加上酸辣的生菜沙律，很醒胃，一去油膩的感覺。泰王燒雞二人餐是有半隻，但食埋食埋甘多小菜，都真係好夠。天氣涼就想食燒雞，正，外皮香脆，雞肉仲有少少泰式香料的味道。雞肉很嫩滑，仲有雞汁流出，佐飯一流。泰式辣椒膏炒蜆唔算太辣，岩香港人口味，蜆肉很厚肉，食左好多隻，無沙。飛天通菜我至愛食通菜，加入辣椒，蒜蓉爆炒，很有鑊氣椰汁西米糕套餐包甜品，唔算太甜，有咬感芒果糯米飯唔夠喉，所以叫個糯米飯，呢個甜品要熱才好吃。有原味及班蘭味混合，仲要砌成魚形的圖案，芒果大片又香甜。龍眼冰食左甘多野，梗係要杯清涼又滋潤的龍眼冰，好解渴。套餐餐飲都可以轉其他飲品。