南小館 (已結業)

工作關係又到九龍灣搵食，今次試下南小館，食過朗豪坊分店既我都幾有信心。午市做緊優惠2人餐，揀左HK$208果款，其實都幾多嘢食，幾抵！前菜可以揀4款，都有7、8款可以揀，份量又唔會太多，但又足夠品嘗。醉雞今次唔好彩食到雞胸，自己唔鍾意啲肉質，但味係OK；木耳個汁酸酸地我個人覺得怪怪，不過同事食到WASABI味，好特別咁；糖醋骨同麵筋正正常常OK呀！　小籠包一向新鮮熱辣，又唔蒸得過火，睇黎每間分店都做到喎！主食個排骨菜飯幾唔錯，排骨唔會太多炸粉，肉質又唔會鞋，咁既價錢絕對OK！