炯記餐室 (美麗閣)

營業中

休息中

同朋友係北角附近買完嘢，諗住行翻去炮台山個邊食嘢。途中經過呢間炯記餐室，見佢有個二人餐，就諗都冇諗入咗去。坐低左之後發現佢個二人餐入面都仲有幾個選擇，我哋就揀咗鹽焗手撕雞、清湯腩金錢肚同埋麻辣雞腎。嘢飲方面，叫咗龍鳳檸樂同埋凍鴛鴦。餐廳比嘅檸檬份量都幾多，配埋可樂飲好爽。麻辣雞腎同蒜香雲耳兩個小食都做得幾出色。麻辣雞腎唔會太辣，辣中帶少少麻，十分開胃。蒜香雲耳分量亦都很多，蒜香味十足。鹽焗手撕雞十分入味，而且份量多，配埋面頭啲芝麻嚟食，很好吃。我個人好鍾意佢雞皮皮下脂肪比較少，食落都幾爽。清湯腩金錢肚好香牛腩汁味，金錢肚食落十分爽口，而且份量都多。牛腩整得好冧好入味，唔會太多肥膏，而且肉汁豐富，配飯食一流。最後郊外油菜冧上了汁，唔會太鹹，卻令菜更加惹味。整體來講，今餐我同朋友都十分滿意。