黃金燒味 (已結業)

跟同事在巴士站等車，見到這間燒味店，好多人買外買，排曬隊，同事又係一個人食，咁我地就走入去開飯啦！二人套餐，好底食，有燒味雙餅，蒸魚，有湯、有菜、有前菜、仲有野飲，都係$208😋。前菜涼拌都正，青瓜鳳爪，青瓜酸味適中爽口，白雲鳳爪皮爽爽👍今日例湯，蓮藕湯，飲落唔覺好味精，有蓮藕好味雙併：要左燒鵝跟肥半肥瘦义燒，燒鵝皮香，义燒肉捻，配上白飯及有味湯米粉。冬菜蒸黃花魚，有家味道，魚肉滑滑，唔腥，同事魚汁都撈埋😋菜心都青綠嫩滑。見燒味咁好食，我地再叫左隻鹵水乳鴿😆，鹵水乳鴿好入味，鹵水味十足，我仲打包一隻比屋企人食。實在太飽了，二人份量真係超底，最後要叫埋杯熱檸水幫助消化😂