Steak Bar (已結業)

今晚呢餐幾抵食，一份二人餐$499，有一客吉列牛扒、BBQ醬燒豬仔骨（+$38轉黑毛安格斯西冷牛扒）我哋轉左西冷牛扒😋、一客石燒牛舌、一份小食拼盤（蜜糖蒜香雞翼、日式章魚小丸子、紫心芋泥丸、餃子）同埋兩杯嘢飲。個餐仲有沙律同埋落咗飯素嘅飯跟埋，所以都真係幾多嘢食。先講吉列牛扒，肉質屬於淋好容易咬，而且將塊牛肉再煎一次特別香，因為通常吉列牛都係將塊牛扒炸到兩三成左右，然後再俾個爐你煎熟，當然煎到幾熟就睇你自己鍾意啦。至於黑唔安格斯西冷牛扒，塊牛扒有筋，有少少難咬😅以牛舌呢就係薄牛舌，煎熟咗都仲好淋，算幾好食。小食拼盤我開頭睇到嘅時候冇乜期待，點知佢又唔係差喎算係幾好。飲品我哋叫咗荔枝梳打，呢杯就差啲啦，冇乜味，好似飲冰水😂