Cafe Fabulous

營業中

休息中

今日去咗旺角行街，行到好攰嘅時候所以就諗住想去搵一間餐廳食飯，於是就最後揀咗呢一間cafe fabulous🤩因為可以慢慢咁坐低，而且全部都係沙發嘅位置，可以坐得好舒舒服服咁同朋友傾偈食飯😊二人餐都係三百幾蚊，有兩份主食，一份小食同埋兩杯飲品，幾抵食！小食我哋就叫咗一份蜜糖芥末雞翼，呢一個蜜糖芥末雞翼真係好好食，我好鍾意呢一度嘅蜜糖芥茉醬，而且呢個雞翼係炸咗，所以更加香口！主食我哋就叫咗一份美式豬仔骨，呢一個米色豬仔骨真係好香，而且非常大份，我自己好鍾意呢一度嘅醬汁！令到成個豬仔骨都好美味！另外仲叫咗一份咖喱吉列大蝦飯，呢一度係好香嘅咖喱味道！好甜嘅日式咖喱！而且上面嘅吉列大蝦真係好好味！而且依然保持到鮮甜嘅味道！