影片
更多
2022-09-19
303 瀏覽
今日同朋友約左出嚟公司附近做gym，做完之後搵啲嘢食下，成條韓國街竟然有一間食壽司嘅日本嘢，見佢咁獨特，一於就揀佢啦。入到嚟，舖仔細細，簡單企理。但係都有卡位同埋吧檯位，適合唔同嘅組合過嚟。我哋兩個人揀咗個二人餐，都幾豐富下㗎。個餐送咗個腐皮沙律，佢個沙律醬係辣辣地，撈埋啲青瓜同埋西生菜，仲有啲中華沙律同牛油果，成件事都好fresh。然後揀咗個帶子被困火焰山，面頭就係一啲帶子同蟹柳，中間嘅壽司就有蘆筍同牛油果，同樣都係落咗辣辣地嘅沙律醬，我覺得幾好食。另外仲有四件炸蝦芝士卷，雖然佢得四件，但係其實好足料。見到佢兩隻炸蝦都好大隻，中間仲有好大pat芝士添。另外最有驚喜嘅係佢嘅先生炸雞，面頭有我最鍾意嘅蜜糖芥茉醬。炸粉唔會太厚，咬開啲雞都好滑。差啲忘記咗佢仲有兩個前菜，原本我哋想試吓佢個柚子蓮藕片，但係可惜今晚賣晒，所以轉咗做中華沙律。另外佢仲有一個中華海蜇，不過就略嫌佢嗰啲海蜇有點硬，同埋唔係太入味。嗰餐仲包咗兩個嘢飲，成個餐有咁多嘢食真係好抵食。
入到嚟，舖仔細細，簡單企理。
但係都有卡位同埋吧檯位，適合唔同嘅組合過嚟。
我哋兩個人揀咗個二人餐，都幾豐富下㗎。個餐送咗個腐皮沙律，佢個沙律醬係辣辣地，撈埋啲青瓜同埋西生菜，仲有啲中華沙律同牛油果，成件事都好fresh。
然後揀咗個帶子被困火焰山，面頭就係一啲帶子同蟹柳，中間嘅壽司就有蘆筍同牛油果，同樣都係落咗辣辣地嘅沙律醬，我覺得幾好食。
另外仲有四件炸蝦芝士卷，雖然佢得四件，但係其實好足料。
見到佢兩隻炸蝦都好大隻，中間仲有好大pat芝士添。
另外最有驚喜嘅係佢嘅先生炸雞，面頭有我最鍾意嘅蜜糖芥茉醬。
炸粉唔會太厚，咬開啲雞都好滑。
差啲忘記咗佢仲有兩個前菜，原本我哋想試吓佢個柚子蓮藕片，但係可惜今晚賣晒，所以轉咗做中華沙律。
另外佢仲有一個中華海蜇，不過就略嫌佢嗰啲海蜇有點硬，同埋唔係太入味。
嗰餐仲包咗兩個嘢飲，成個餐有咁多嘢食真係好抵食。
張貼
