Plato Cafe & Bistro (吳松街)

之前食過呢間餐廳嘅lunch ，味道唔錯，知道佢晚餐嘅二人套餐幾抵食，今日就嚟咗試吓，叫咗個$498精選二人餐，有餐湯，前菜，兩個主食，飲品，仲有甜品，以市區黎講，呢個價錢係幾抵食👍🏻👍🏻餐湯無記錯職員介紹今日既餐湯係椰菜花忌廉湯，係幾香忌廉味，可能有椰菜花嘅關係，飲得出有蔬菜嘅甜味，但冇平時忌廉湯咁滑口冰果茶茶味有，唔會好濃好澀，飲落有少少桃香，甜度係平時叫少甜既水平，杯底仲有幾粒水果肉天婦羅魷魚鬚魷魚酥係新鮮炸，上枱嗰陣仲熱辣辣好香脆，炸衣唔算厚，亦揸得乾身，加上個有少少Wasabi味嘅沙律醬，食唔停口北海道帶子黑松露野菌意大利粉帶子兩面有煎香，生熟程度掌握得幾好，而意粉嘅硬度亦適中，意粉醬汁係忌廉黑松露口味，醬汁濃稠度啱啱好可以掛到意粉，所以每啖意粉都充滿忌廉黑松露嘅味道炭燒澳洲肉眼牛扒牛扒我叫咗五成熟，牛扒上枱切開都好對板，牛扒有肉既紋理，又香牛肉味同有肉汁，碟邊嘅配菜亦有質素，焗薯外表焗到乾身，中間濕潤，好香薯仔味甜品甜品我哋要咗一件蛋糕同朱古力雪糕，蛋糕係芝士蛋糕，都幾香芝士味，同平時餅舖食到嘅芝士蛋糕差唔多，而朱古力雪糕就係Movenpick