Plato (已搬遷) 新店位置

小編甚少踏足油麻地 ，但為尋覓好西在所不計！ 今日特登搭車嚟油麻地就係為咗親嘗 Plato嘅美食。門面沒有華麗的裝橫， 卻完美地融入油麻地的小街， 頗有格調。簡單幾個擺設已為環境增添不少趣味。見menu有咁多選擇， 我同朋友都係決定叫返個二人套餐， 成功避開選擇困難症。很喜歡南瓜的香甜， 餐湯分量合適， 留返個胃食主菜！見到個樣已經流曬口水， 呢個意大利飯嘅蘑菇同忌廉香味十分突出， 厚厚地包住每一粒煙韌的意大利米飯~~ 加埋濃濃的黑松露香氣， 令人欲罷不能， 呢個組合真係食極唔厭。羊架叫咗七成熟， 肉質嫩滑， 冇乜羊膻味， 點埋甜甜地嘅rosemary sauce， 味道豐富。芝士味濃啲會好啲， 不過入口質感軟熟， 都幾滿意。仔細睇原來一件簡單嘅朱古力慕絲蛋糕都可以有咁多層layers~ 一層忌廉， 一層有淡淡咖啡味， 幾有心思。走嗰陣八點幾餐廳都有唔少客人， 似乎係打工仔下班之後嘅聚腳處。