富臨酒家 (燒鵝大王) (已結業)

母親大人生日去咗鯉魚門富臨酒家燒鵝大王叫咗一圍菜。乳豬全體正常不算出色。翡翠蝦球湯片蝦球處理十分好，爽口彈牙。之後上的酥炸廣島生蠔，味道最好，外皮酥脆，生蠔算大隻，新鮮又好味，蠔味不會過濃。豉汁蒸帶子，帶子size比較細，火喉尚算OK，但托底的粉絲十分鹹。花膠扣冬菇，花膠非常有膠質，冬菇夠厚身，菇味夠香。花膠響螺頭雞湯，花膠比較細，幸好響螺片夠甜夠順口，配雞湯底口感濃稠，骨膠原十足。之後的酸辣野生椒龍躉，龍躉肉不錯，最重要皮脆肉厚，配菜的野生椒都幾辣，不是一般人老人家可以接受。其他炸子雞都非常正常，味道不俗。之後的炒飯及甜品就一般般。此酒樓環境價錢尚算OK，$1688埋單, 都算實惠，最緊要係一家人都食得開心滿意。