牛摩 (新都城中心二期)

營業中

休息中

今日係新都城二期買完禮物，見今日天氣凍凍地想打邊爐，即時上網搵下有無好地方。見到新都城牛摩評語都幾好，所以過去試下。入到去環境都明亮乾淨，位置都幾闊落，唔會好壓迫。今日我地要了養生之選的蟲草花雞白湯和關東煮壽喜燒湯。壽喜燒湯甜甜地幾特別，雞白湯雞味亦都幾濃各有特色。牛摩放題食品都好齊全，由海鮮、丸類、蔬菜 、菇類、 麵類、壽司、甜品都有。而且仲有前菜同小食，我地試左炸雞塊同洋蔥圈，小食係即炸好夠熱味道都幾好。仲試埋一口甜薯，外型普通不過味道清甜。肉類方面我地今日試左$198既牛肩胛餐，雖然價錢唔貴但質量都絕不馬虎，牛肉片夠大塊，亦都好有口感，味道也不錯。而且還有帶子同魷魚都好新鮮彈牙。今日粟米亦都好鮮甜，甜品都好特別而且仲有雪糕。食飽後，當然要食甜品🍧今日係雪糕北海道乳酪同朱古力口味，都係小朋友至愛。牛摩放題價錢唔貴食品款式多性價比高，值得一試。