馬辣台式鴛鴦火鍋 (大鴻輝(荃灣)中心) (已結業)

今日嚟到荃灣火鍋塔，諗住平平地打邊爐就選擇左呢到。。食完之後，花巧野的確不如其他更貴既火鍋店，但覺得一百幾十，絕對對得住價錢有餘!火鍋料方面，牛肉份量多，雖然唔係好厚，但大大塊，任食就厚薄都無問題啦~。 牛的主要部位已有提供，而且牛味濃郁配料方面,打邊爐基本選擇齊備，蔬菜、丸類、生餃亦有,不過就唔算很多台式的食品或者好多熟食湯底 材料味道十分足夠。咁岩叫左沙嗲湯底 勁濃郁 杰身到痴到勁多汁！雙併仲要同價！飲品選擇很多，有糖、無糖、有氣無氣，冷、熱、汽水、荼照顧不同需要。要酒就有 提供ASAHI 生啤及嘉士伯啤酒。甜品款式亦多，雪糕口味多，當中以港式奶茶味最正。個人認為，百幾蚊任食之質素已算十分好，基本材料新鮮齊全。