閨•家 (寶榮大廈) (已結業)

之前朋友介紹喺炮台山, 有間鋪頭嘅下午茶非常抵食， 而且主打冇味精中湯， 咁啱要呢七海商業中心 買護髮用品， 順便行過隔離街 買些外賣或家人分享。香煎豬頸肉豬頸肉 肥瘦適中， 肉質又爽又夠淋， 兩邊煎至金黃香口， 而且份量勁多， 比起泰國餐廳例牌多一倍😀， 最重要配埋健康沙律菜非常fresh。招牌煎豬扒招牌冇用梳打粉醃嘅豬扒，當然要試一試， 肉質鬆軟多汁， 大大塊都係18蚊， 配咗啲雪菜最啱用嚟撈飯。鐵板雞翼炒烏冬雖然係下午茶， 但係份量都超多， 大大盒炒烏冬， 面質彈牙又夠味， 配埋三隻大size雞翼， 四十幾蚊超抵食。 仲包埋飲品 啊。沙爹牛肉包沙爹牛肉超惹味， 醬汁夠濃花生味好香， 如果現場食會好啲，拎到返屋企個包已經淋咗。 但係個包給曬沙爹汁勁好食。下午茶包杯飲品， 嗌咗凍檸蜜都唔使加特飲錢， 今時今日咁抵食嘅下午茶真係好難得。