幸福鍋 (已結業)

幸福鍋燈光明亮，望落光鮮乾淨，主打台食。我點左個士林鹽酥雞便當，隨餐附送一碗紫菜肉丸湯，兩片台灣腸切片，同埋兩三條小棠菜，叫做有湯有肉又有菜，幾豐富。佢嘅便當有兩款主食可以揀，滷肉飯同埋麻辣乾伴麵。我點左乾伴麵，份量幾多下。 麵條煙韌又可以掛汁。鹽酥雞成塊面咁大，可惜炸粉好厚，雞扒冇乜肉汁，唔係好掂。隨餐附送一杯冷泡菜，好睇唔好飲，可能泡得太耐，杯茶勁澀。埋單七十幾蚊，主食可以自選，又有湯有菜有野飲，都算抵食嘅。