北海道居酒屋 (已結業)

見沙田新開左間主打北海道美食既居酒屋，諗住隻身試試個Lunch Set先，好味既話就再試晩市，不過試完就有少少保留。本來想食西京燒，不過話暫時無。壽司Set價錢中上。估唔到佢地都有做Omakase，價錢$250有13件可以接受。最後叫左豚肉生姜燒，食完有少少失望。套餐有沙津，湯，蒸蛋，免加一盛惠$58其實幾抵，不過質素就有大大改善空間，單憑抵食未必吸引到回頭客。白飯實左啲，豬肉有少少老，汁都唔夠，坦白講只係同吉野家差唔多水準，勝在夠大份。雖然我今次唔係食北海道海產，但係都對佢地既lunch有多少期望。不得不提就係店員態度都好友善，主動加茶又有禮貌，所以都可以考慮一下比多次機會北海道居酒屋，希望下次黎可以試到新鮮好味既北海美食。