甘香齋 (已結業)

晨咁早去炮台山開會，趕時候又想早餐健康啲，就去附近齋鋪買，原本想買紅米粢飯+豆漿，入到去又心多多，改為蘿蔔糕+腐皮卷+豆漿，見廚房擺放著的紅米粢飯，顏色形狀好吸引，下次買！早前响度食過午餐，覺得好食又抵食，見佢早餐都係$18，配搭吸引又健康，終於有機會試喇。糕內有蘿蔔絲條、紅蘿蔔絲和冬菇粒，粉與蘿蔔的比例剛好，口感軟軟卻不黏口，好好味。腐皮卷過了氣不夠脆，咬下去沒有咔嚓咔嚓，除卻口感，仍然好吃。豆漿不是自家製，偏甜但有豆味，下次再試第二樣。