三川居酒屋 (已結業)

講明先，係專程去食半價晚餐set嘅，所以先會話係抵食！😂😂侍應有介紹埋清酒放題嘅，但係覺得太早所以廢事飲咁多，只係叫左一杯柚子highball。套餐就每種食物都有得order，方便哂咩都想試嘅人。柚子highball就冇乜特別啦，飲得重酒精嘅人會嫌淡。不過以我嘅口味就夠嘅。先黎個沙律，呢個係要加錢叫的。但係值架，魚生同啲生菜都幾新鮮嘅，魚生分量唔少。👌🏽清酒煮蜆老實說有點失望的。話哂係餐廳推介呀，但啲清酒味有啲淡喎。分量還可以啦。😐一聽到話有原板海膽即狗衝，但係實物同相片係有些少出入嘅。🙊不過個分量夠架啦兩個人每人都食到三四卷嘅。不過質素平平啦，勝在每件都大大件。😛燒蠔串係唔錯架，一串3至4粒，size都唔錯嘅。蠔嘅味道都濃郁，個內裡都係軟嫩嘅唔會燒到硬哂。😋炒飯就正正常常啦！整體黎講炒得幾香嘅，蟹味就唔好太高期望，始終都係炒飯黎啫。但分量就搭夠啦兩個人每人食到兩碗架。😝雪糕反而有驚喜，但係係岩我口味多。因為佢有茶味之餘亦都好香奶味。平衡得唔錯。😋😋