影片
更多
2018-06-19
177 瀏覽
心癮起想食鮮果雪葩，我會來女人街的水蜜桃。皆因佢有多款日本雪葩選擇，跟餐只係加三十幾蚊，真心抵食。平時去舖仔買，價錢好似真係差不多。今天落雨濕濕唔多人，有卡位坐，正喎！一排冇來，見到有新野石板燒牛套餐，同朋友二話不說一人叫一個先。我哋叫咗美國黑毛牛肩胛 $188 同埋熊本一口牛$168。 每個餐都會配兩隻日本廣島蠔，呢個配搭好似唔錯。石燒套餐仲有餐湯同埋餐包，忌廉湯同羅宋湯都在水準之上，如果可以再熱D就好啦，蒜蓉包滿滿牛油蒜蓉，有誠意。 轉眼石燒就已經上枱，熱辣辣石鍋上已有什菇同蔬菜，滋滋作響。店員哥哥會細心地教我地點燒最靚，點食最正，服務滿分。首先燒牛要用中間位，因為火力夠晒集中，好快就熟有得食。一口牛好有牛味又夠淋，配特製醬油或者點鹽食都得，好有口感。其他餐廳試過一口牛，韌到不得了。叫完之後都有少少怕，但係食咗一粒便知道擔心是多餘的。而黑毛牛肩胛係片片的，因為鍋夠熱，要注意好快熟的。燒的時候掛住傾計有一兩片 overcook, 失手了，唉呀 ～跟餐有小食，係邪惡的咸蛋魚皮.....店員哥哥話可以就咁當小食，或者用牛肉來捲住食都得，兩種食法都要試試呀！而燒蠔呢最好就係用鍋邊位，兩邊輕
今天落雨濕濕唔多人，有卡位坐，正喎！
一排冇來，見到有新野石板燒牛套餐，同朋友二話不說一人叫一個先。我哋叫咗美國黑毛牛肩胛 $188 同埋熊本一口牛$168。 每個餐都會配兩隻日本廣島蠔，呢個配搭好似唔錯。
石燒套餐仲有餐湯同埋餐包，忌廉湯同羅宋湯都在水準之上，如果可以再熱D就好啦，蒜蓉包滿滿牛油蒜蓉，有誠意。
轉眼石燒就已經上枱，熱辣辣石鍋上已有什菇同蔬菜，滋滋作響。店員哥哥會細心地教我地點燒最靚，點食最正，服務滿分。
首先燒牛要用中間位，因為火力夠晒集中，好快就熟有得食。一口牛好有牛味又夠淋，配特製醬油或者點鹽食都得，好有口感。其他餐廳試過一口牛，韌到不得了。叫完之後都有少少怕，但係食咗一粒便知道擔心是多餘的。
而黑毛牛肩胛係片片的，因為鍋夠熱，要注意好快熟的。燒的時候掛住傾計有一兩片 overcook, 失手了，唉呀 ～
跟餐有小食，係邪惡的咸蛋魚皮.....
店員哥哥話可以就咁當小食，或者用牛肉來捲住食都得，兩種食法都要試試呀！
而燒蠔呢最好就係用鍋邊位，兩邊輕輕燒一燒，鎖住水分以免流走，然後再加熟蒜同埋醬油上去慢慢燒，好鮮味。
呢期 promote 緊德國啤，叫左支 Tap 5 同朋友分享，味道幾特別，有濃厚的果味同就花香味，夠凍配燒肉真係一流。飲飲吓發現有啲料到，原來酒精有成8% ，啤酒來講算高，唔太飲得的朋友請注意，可以選其他低D度數的。
跟餐仲有白飯，個餐望落唔算多，但食食吓真係好飽。不過甜品永遠有另外一個胃，雪葩是必須的。
今次我地揀左水蜜桃味同蕃薯味。食之前要先用火槍暖吓佢，去梗D雪味，咁果香同果甜先會出架。
終於食得啦！水蜜桃好清甜，完全係將D果肉濃縮响雪葩入面。而蕃薯就夠曬香濃，出奇好味，蕃薯迷必試！
埋單每人都係二百幾，好抵食，推介！
張貼
