十二味 (如心廣場二期)

營業中

休息中

十二味荃灣分店最近新開，大門口有大大隻四川代表可愛熊貓。午餐由五十幾蚊起，冇一個主菜包白飯、涼菜同飲品，非常抵食。呢度係用QR code點餐，好方便。當然必點招牌酸菜魚，鱸魚片滑溜無骨，完全無腥味，非常入味，湯底酸中帶甜，唔算油膩，都幾好飲。揀左小辣，對於食得辣既朋友黎講呢個辣度一定可以接受到，亦可選唔辣，帶埋唔食得辣既朋友去都無問題。另外叫左牛肉麻辣香鍋，材料有牛肉、薯仔片、蓮藕片、木耳等，炒得好乾身，味道又麻又辣，口感豐富，而且辣得惹味，嚐辣愛好者一定要試！