銘興山西刀削麵 (大同新邨) (已搬遷) 新店位置

有個朋友住大角咀，成日都同我推薦呢邊嘅食店，有好多隱世嘅美食，今日咁啱過開呢邊搵佢，所以搵搵附近有咩好嘢食。經過呢間食刀削麵既好似唔錯，本身食刀削麵嘅地方就唔多，所以都好想試吓。嗌野食之前已經比座位旁邊嘅醃酸蘿蔔吸引咗，因為我好鍾意食！仲要不限量俾你任食，好正！用嚟開胃一流。《涼拌青瓜》$20麻辣度剛剛好，食起嚟又夠爽口，好好味，咁嘅價錢份量都算多，抵食！《花雕醉雞》$46肉質好滑，酒味唔算好濃，對我來講啱啱好，因為本人接受唔到太重酒味的醉雞。 整體來講都唔錯。《麻辣豬軟骨》$40份量好多，調味料好惹味，豬軟骨唔會太咸，不過略嫌肉質有點鞋，比較dry，整體一般。《榨菜肉絲加牛筋腩刀削麵》$47同樣大大碗，無論面定係餸份量都好多，刀削麵都幾滑，唔錯！而牛筋腩都炆得好夠林，呢個價錢，性價比真係算高。 總括黎講，呢間都算係平民食店，分量多價錢又平，值得下次再嚟。