牛摩+ (沙田中心) (已結業)

上網見到有介紹，話用學生證嘅160蚊左右任食1.5小時安格斯肥牛，仲要送海鮮啵，聽到咁平咁抵，唔去試吓點得呢。如果冇學生證嘅同行朋友，都係$200左右(要收返正價嘅服務費)。~~~~~呢隻牛肉靚野啊，真係好有肉味，肥瘦又算適中，真係好正。唔知大家有冇食開任食火鍋啦，好多任食火鍋當你添加第三第四碟以上，你會發現佢嘅肉質素會變得好差，同你第一碟相比完全兩回事。但係呢一間店完全冇咁嘅問題。當日我兩個人食叫咗五碟牛，質素仍然都係咁上下，所以值得一讚！豬肉，好食，亦可以無限添加。雞肉海鮮，不能添加出面有自助吧，有不同飲品選擇，呢杯係自製嘅棉花糖沙冰。除咗飲品，仲有放喺自助吧嘅其他啲配菜都係任食嘅。