魚鮮生刺身專門店 (已搬遷) 新店位置

放工跟兩個同事去咗魚鮮生食飯，三個人叫個六百蚊刺身島，新鮮又抵食！！個侍應問我地有咩鍾意食，原來可以特別加係個刺身島度架！！裡內個海膽必定要食，好鮮仲有小小海水味，跟住個甜蝦好鮮甜個蝦頭係滿佈藍色既蝦膏，好甘香！啲三文魚腩同油甘魚腩好肥美架！最正係個白玉豚刺身，入口即溶，魚味濃郁！另外刺身島上面有原條彷彿魚刺身，第一次食，好爽好甜，不妨一試！跟住嗌咗啲壽司，其中個火燒左口魚壽司冇得頂，燒到啲魚油滲哂入個壽司飯入面，正！同埋必食既黑松露壽司，好香，食完成個口都係松露香，價錢又合理，絕對抵食！侍應服務都好好，有好詳盡既介紹，加上佢地因應時令有唔同嘅食物推介，成日食都唔怕悶！