甜水 (已結業)

位於旺角/油麻地既新甜品小店，睇個名已經夠創意，主打中式糖水之餘仲創作左幾款新式甜品，懷舊得黎都有新花款！店入面以呢啲小木櫈為主，環境光猛始創金銀燉鮮奶一睇Menu已經比呢個店家自創甜品吸引到，原來係燉奶入面加上流心蛋黃，一上枱個樣已經好吸引😍燉奶食落去口感幼滑，奶味濃郁，撈埋留心蛋黃食就多一份蛋香，兩樣嘢配合估唔到又幾夾，好特別🤤桃膠椰汁雪燕桃膠同雪燕兩款配料出左排毒美顏，加入去椰汁之後每啖食落去都有唔同口感，份量仲一啲都唔吝嗇！椰汁香濃，同燉鮮奶相比我覺得冇咁甜，啱晒唔嗜甜人士，又有營養又好味🙆🏻‍♀️店員態度好友善，Menu仲有其他傳統中式甜品，價錢都好相宜，期待下次再試吓其他item！