唐記包點 (欣田街市)

營業中

休息中

收工時間，懶得自己煮飯時都會去唐記買外賣返屋企，同屋企人一齊食。皮蛋瘦肉粥$16 有兩塊切片的皮蛋，仲有好多肉碎，真材實料。見到$15可選3件香煎風味，於是便選了香煎蔬菜香菇包、香煎韭菜包和煎鍋貼，自由配搭，好抵食。煎鍋貼香脆好味，饀料飽滿，YUMMY~章魚肉餅飯只係$20，好抵。章魚肉餅味道香濃實在，送飯一流，不用豉油都夠味。足料糯米雞$25，原來真係好足料，入面有原隻雞中翼、冬菇、叉燒、半粒咸蛋黃，黑芝麻味豆漿，黑芝麻味香濃。凍包都甚抵，第二日蒸返黎食都得。