樂天經典 (已結業)

之前去過隔離嘅樂天皇朝，見到依間樂天經典裝修及菜式都唔錯，今天中午再來幫襯。星期一至五午市正價餐牌全部68折、但都唔夠午市特價套餐咁抵食，最後都係揀套餐而唔散叫。套餐有湯有煮食同一杯野飲，老火湯都幾多料㗎。泰式炭燒豬頸肉同平時嘅豬頸肉有一啲唔同，佢係比較大塊但切得薄，都幾次半肥瘦叉燒再薄切。娘惹咖喱雞其實係唔辣嘅，主要係雞髀部份，所以好嫩滑又啖啖肉，餸白飯一流。只有兩款飲品，所以我同老婆一人一款，薏米水會比羅漢果茶吸引一啲。其實個侍應一坐低會問你要唔要茶，如果要左就要比茶錢啊，所以記住同佢講唔使茶淨係嗌套餐，每人$60左右可以落樓。重點係成個餐廳，客人比較少，好似包場咁樣保證可以慢慢傾計。