雲壽司 (聯成商業中心) (已結業)

我同朋友都勁中意食日本嘢，特別係廚師發辦，因為唔洗自己諗食咩諗到頭都大埋。我地叫左個翔 $380有壽司10件，手卷1條同麵豉湯，午市十分抵食又飽肚。壽司有拖羅，秋刀，鯖魚，象拔蚌，吞拿魚面頰肉，赤貝，白蝦，筋子壽司，海膽，火炙銀鱈魚。拖羅入口即溶，油脂豐富。赤貝厚肉爽口。海膽無腥味好creamy好好食。白蝦新鮮彈牙。筋子壽司我第一次食，好鮮甜。火炙銀鱈魚燒得香口。葱吞拿魚蓉手卷紫菜爽口唔會淋，吞拿魚蓉口感綿密，加左葱粒香味提升哂。三色丼 $138有海膽，帆立貝和三文魚子，三文魚子份量不少，鮮甜美味。帆立貝爽口有咬口，海膽一樣creamy齒頰留香。另外跟左沙律好新鮮爽口，麵豉湯香濃美味。