圓山台灣料理 (已結業)

之前同男友食過呢度嘅2人午市商務餐，對極品流沙包一試鍾情。今日相約男友跟好友再次光臨，3個人叫咗個4人餐，可以係餐紙上選3個點心，3個小菜同1個飯或者麵，另外餐跟一個燉湯同甜品。一開始先來燉湯，今日係椰子雪耳燉雞， 個湯好好味，夠濃，唔係清水咁之後就上台灣滷肉， 呢個肉唔太鹹，滷水味重，但略為失色係啲肉炸過，唔夠鬆，邊位較柴身。再嚟係鹽酥雞， 呢個雞口味較淡，個味再重啲會出色啲。再嚟就係豆瓣魚，魚欠缺鹹味，雪味較重，都幾失望。之後就到咗點心出場，我要咗必食極品流沙包，朋友要咗佢至愛小籠包同蝦餃。流沙包依然流沙，餡料重牛油同鹹蛋味，出面好難食到，只係今日個包皮差咗啲，唔夠軟，怕係蒸耐咗，有點失望，所以忍唔住同經理反映。再嚟就係炒新竹米粉，呢個米粉冇咩鑊氣，朋友唔太鐘意。最後甜品今日係南瓜西米露，呢個唔錯，唔太甜，讚呀!今餐整體冇第一次食咁有驚喜，可能因為流沙包失色，希望下次再食會好返啲! 是次餐費為450蚊，算係抵食。