太元樓

營業中

休息中

在北角城市花園商場辦點事，中午餐就在附近搵食，見呢間太元樓門口餐牌有好多午市套餐推介，五十零蚊，有一餸，一碗白飯，仲有酸辣湯或粟米魚肚羮或豆漿三款選一，睇落好抵食，好過日日食茶記或快餐店呀！內裏裝修幾企理，牆飾壁畫都好有可觀性！客飯套餐以川滬菜為主，兩人各點一個醋糖排骨，另一個紅燒豆腐！跟餐選咗粟米魚肚羮、熱豆漿！醋糖排骨酸酸甜甜好開胃，而排骨肉質肥瘦適中，腍滑而且好入味！紅燒豆腐配菜仲有鮮冬菇片同肉片一齊煑好加獻汁，送飯一流！粟米魚肚𡙡亦夠熱而且濃稠適中，味道可囗！超大杯熱豆漿亦係唔錯嘅選擇！