台北車站 (已結業)

想簡簡單單喺將軍澳食個午餐，台北車站就係不二之選，每日精選推介，今日係星期二，同事揀咗兩個午餐，平靚正。芙蓉煎蛋飯$56芙蓉蛋裏面有芽菜、火腿及蝦仁，炒得好香口，配白飯食一流，健康美味。鳳梨甜酸肉$58醬汁酸酸甜甜，有唔少份量嘅肉，配菜有鳳梨、青椒、紅椒及洋蔥，特別開胃醒神。野飲滋養系列加$6菊花蜜水蜜桃紅茶飲品出色，水蜜桃紅茶好好飲，菊花蜜都唔錯。整體而言唔錯，除咗港式茶餐廳食物之外，仲有台灣美食，我見過滷肉飯都唔錯下次要試吓。