The Grill Room (The Humphreys)

營業中

休息中

呢間餐廳午市提供午市套餐，另外亦有單點嘅特色小食同甜品。午市套餐包括一份主菜加一款飲品，仲可以加$18選擇每日例湯或者沙律。我哋加咗一個湯一個沙律。是日湯係椰菜花湯。沙律係火腿、西柚沙律，好清爽！主菜揀了燒紐西蘭8安士肉眼扒配烤蔬菜 ($188)，肉眼扒肉嫩又有牛香。配上各式新鮮嘅烤蔬菜，令整體味道更加豐富且平衡。另外一款主菜揀了卡邦尼扁意大利麵，麵條煮得軟硬適中，奶油醬汁濃郁香滑，配上煙肉同芝士，味道非常豐富。我地再散叫咗黑松露薯條 ($58)、黑松露薯條炸得香脆，黑松露嘅香氣濃郁。是日廚師甜品係朱古力nuts撻 ($58)，呢款甜品以朱古力同堅果為主要材料，唔會太甜。