影片
更多
2021-10-24
159 瀏覽
成日見啲朋友去616打邊爐，都想試好耐，呢排先知原來佢有好抵食嘅lunch小火鍋套餐，前幾日就即刻約埋朋友一齊黎打邊爐。每份小火鍋套餐都係一人一爐嘅，可以自選一款火鍋湯底、一款肉類、一款主食，仲包左好多火鍋配料，包括娃娃菜、金菇、蜂巢豆腐、蛋餃、熟帆立貝、牛丸同埋豬骨汁貢丸，好豐富，仲要只係$78！呢個價錢相當有驚喜。我揀左熔岩沙嗲湯底，呢個湯底好濃好濃，基本上完全唔洗點醬料，有啲花生醬香。牛肉方面我揀左俄羅斯金花趾，係屬於牛前腿嘅肌腱，食落好彈牙。主食方面我揀左手打烏冬，好掛湯，配埋沙嗲湯底好惹味。至於朋友就揀左鮮牛油麻辣湯，呢個湯底麻辣味十足！更重要嘅係佢嘅牛油味都好濃郁，唔似出面好多牛油麻辣湯都淨係食到辣味，食唔到牛油味。呢個湯底好正。肉類方面朋友揀左滑尾龍，係屬於牛嘅後腿，牛味濃郁。最後主食方面朋友揀左公仔麵，索曬個牛油麻辣湯底，好邪惡但好好味，我都食左好多！原來呢到午市（1200-1700）正價火鍋食品有八折，見到咁抵，為食嘅我又加多兩碟牛肉食下。蘇格蘭雪花胸肋 原價$58唔太肥，肉味濃郁，好食。英國安格斯牛前胸肋 原價$58油份豐富，啖啖滋味。洛神玫瑰茶 $15唔會好甜，打
每份小火鍋套餐都係一人一爐嘅，可以自選一款火鍋湯底、一款肉類、一款主食，仲包左好多火鍋配料，包括娃娃菜、金菇、蜂巢豆腐、蛋餃、熟帆立貝、牛丸同埋豬骨汁貢丸，好豐富，仲要只係$78！呢個價錢相當有驚喜。
我揀左熔岩沙嗲湯底，呢個湯底好濃好濃，基本上完全唔洗點醬料，有啲花生醬香。牛肉方面我揀左俄羅斯金花趾，係屬於牛前腿嘅肌腱，食落好彈牙。主食方面我揀左手打烏冬，好掛湯，配埋沙嗲湯底好惹味。
至於朋友就揀左鮮牛油麻辣湯，呢個湯底麻辣味十足！更重要嘅係佢嘅牛油味都好濃郁，唔似出面好多牛油麻辣湯都淨係食到辣味，食唔到牛油味。呢個湯底好正。肉類方面朋友揀左滑尾龍，係屬於牛嘅後腿，牛味濃郁。最後主食方面朋友揀左公仔麵，索曬個牛油麻辣湯底，好邪惡但好好味，我都食左好多！
原來呢到午市（1200-1700）正價火鍋食品有八折，見到咁抵，為食嘅我又加多兩碟牛肉食下。
蘇格蘭雪花胸肋 原價$58
唔太肥，肉味濃郁，好食。
英國安格斯牛前胸肋 原價$58
油份豐富，啖啖滋味。
洛神玫瑰茶 $15
唔會好甜，打邊爐飲杯洛神玫瑰茶會覺得冇咁膩。
真係幾抵食又高質，我下次都多啲黎
張貼
