厚福館 (黃埔天地) (已結業)

FD推薦咗哩間火鍋好耐，今次終於可以試下。店鋪裝修得幾靚，中午兩人都可以安排沙發位，唔錯。放假要食得豪少少，今次揀咗真龍皇巨頭蝦出巡龍蝦湯同嚐十三味牛福盤（升級版）兩個套餐。可樂同道地解茶，套餐搭配埋嘢飲，配火鍋一流。套餐加配咗一份午餐肉和芝士腸，品質都唔錯。真龍皇巨頭蝦出巡龍蝦湯套餐睇到都開心，有一整只大頭蝦，加埋數款海鮮。大頭蝦即叫即開，用龍蝦湯煲制，蝦肉無比鮮甜。加埋烏冬一齊煮，烏冬嗦曬龍蝦湯湯底，尤其好味。十三味牛福盤（升級版）提供咗牛嘅13款唔同部位啲牛肉，再加埋蘿蔔同招牌黑松露餃。牛肉都好新鮮，微燙已經有得食，麻辣鍋都可以食得出牛肉甜味。最鐘意食胸口撈同封門柳。套餐配咗煙韌米粉，食落好彈牙，唔錯。兩個套餐都勁豐富，人均都係150左右，真係勁抵食！