韓舍 (已結業)

早前試過韓舍的晚市放題，今日食肉心起，決定一試午市。128一位，任飲任食黎講不貴。仍然是隔住牛油紙燒，少點痴底，相比起晚市，少了點伴菜。但仍保留了晚市的自助餐式燒烤，提供多種熱食，如蟹粥、西檸雞、卡邦尼通心粉等。肉食乾淨企理，必食咖哩雞肉，濃濃咖哩香氣，異常入味，非常出色。另外魷魚亦是必食之選，一個人食左四五塊，爽口彈牙，帶點鮮味，腸仔亦有數種選擇，不錯。食燒肉也不忘食炸饅頭，啖啖煉奶，甜品/填肚兩相宜。