海港酒家

營業中

休息中

上星期日我哋一家人喺荃灣中染行完大型嘅傢俱連鎖店，就去飲茶，呢間 經常都人山人海，可能係新裝修，之前都冇機會去試，今日都算好彩，雖然係星期日都唔算等得太耐。 我們點了一些點心及燒味飯，另外點了一個燒鵝拼叉燒鍋米。呢個燒鵝拼叉燒，賣相真係一流，配上大大窩嘅米線，好抵食。叉燒半肥瘦 ，入口很柔軟。仲成隻燒鵝髀，燒鵝外皮燒得燶燶，很夠味，亦不算太肥，分量真係好大，價錢 $118， 超抵食。蒜蓉蒸鮮魷，鮮魷很厚，好有咬口，蒜蓉好入味。山竹牛肉球，好有牛肉味， 唔似得一些酒樓嘅山竹牛肉，牛肉分量可能得好少。另外切雞飯，星期日都係收$32，四位連同茶錢加一服務都唔駛三百蚊， 而且食物都幾夠水準。