牛涮鍋もっと (已結業)

食完牛角食牛涮鍋🤣希望今年都可以keep住個金會員😆第一次食樂富呢間牛涮鍋，感覺都好ok，雖然唔大，但係好乾淨，d嘢都擺得好好，大家夾嘅時候唔洗排隊，亦唔會有擠逼感，比牛角坐得舒服啲。入去之前就要揀好食乜嘢，同埋2款湯底。唔推薦櫻花蝦沙嗲，得個咸字，唔好味，反而昆布湯底幾好味，肉同菜都夾到。我哋揀咗60分鐘嘅定量分題，午市先有嘅，我要咗牛同豬，冇諗到豬好味過牛🤣牛太肥，又冇乜牛味，建議大家都係要揀啲貴少少嘅牛。湯底未上，大家已經出去攞定嘢飲嘢食，因為時間有限。菜有三種，油麥、小白菜同娃娃菜，唔算吸引，我就比較鍾意蕃茄、粟米、菇、蘿蔔，仲有炸芋頭，呢個好加分。丸方面選擇都好多，不過我驚太飽所以只係試咗少少。個玉子豆腐好特別，有芝士係入面。值得一試。免費區最值得試係雞軟骨滑，細細碗裝住，我食咗幾碗，食得出骨嘅口感同雞嘅嫩滑，好味。另外炸雞翼都好味，炸得啱啱好。最後梗係又係甜品，不過同牛角一樣，一碗碗嘅甜品好d hea，有進步空間，不過雪糕ok嘅，話就話係8.0牛乳雪糕，但係牛奶味反而唔係好重😅一餐飯折完人均80，抵到爛。