影片
更多
2022-06-21
77 瀏覽
同朋友去咗上環食壽司，午市幾百蚊就omakase級嘅享受好抵食！呢到有幾個師傅同時做嘢，另一邊仲有鐵板燒添。Lunch sushi course $580+10%Appetizer 白粟米好爽好清甜，仲有日本番茄加淡雪鹽。Salad新鮮，好開胃。Steamed Egg好靚嘅茶碗蒸，上面有金箔仲有啲蟹肉添。溫度充足，好溫暖好舒服。12 Kinds of Sushi 1. 平靜魚即係大條嘅油甘魚，加咗啲薑蓉調味。2. 鳥貝 好似係第一次食，呢個好seasonal，加咗檸檬汁好新鮮、口感偏軟。3. 赤身醬油漬嘅赤身，加上磨咗嘅芝麻，好食。4. 右口魚-鮫鰈師傅燒咗魚邊位，好香口，油香十足！5. 雉羽太即係日本石斑，仲加咗辣嘅蘿蔔蓉蔥花。6. 中拖羅唔使多講，勁肥美！7. 伊左目 炙燒完加上紫蘇花，好睇又好食。以上七款師傅都用咗白醋飯，因為好多都係白身魚較淡，所以會用酸酸地嘅飯。之後就轉咗做赤醋，適合油份重同味濃嘅壽司，糯米飯比較甜。8. 牡丹蝦 我最中意呢舊，牡丹蝦好爽口同班㗎，加上龍蝦膏勁香口。9. 大拖羅 師傅話燒咗啲筋，食入口真係入口即溶。原來日本人唔鍾意燒，佢哋覺得咁快用咗好唔抵。
Lunch sushi course $580+10%
Appetizer
白粟米好爽好清甜，仲有日本番茄加淡雪鹽。
Salad
新鮮，好開胃。
Steamed Egg
好靚嘅茶碗蒸，上面有金箔仲有啲蟹肉添。溫度充足，好溫暖好舒服。
12 Kinds of Sushi
1. 平靜魚
即係大條嘅油甘魚，加咗啲薑蓉調味。
2. 鳥貝
好似係第一次食，呢個好seasonal，加咗檸檬汁好新鮮、口感偏軟。
3. 赤身
醬油漬嘅赤身，加上磨咗嘅芝麻，好食。
4. 右口魚-鮫鰈
師傅燒咗魚邊位，好香口，油香十足！
5. 雉羽太
即係日本石斑，仲加咗辣嘅蘿蔔蓉蔥花。
6. 中拖羅
唔使多講，勁肥美！
7. 伊左目
炙燒完加上紫蘇花，好睇又好食。
以上七款師傅都用咗白醋飯，因為好多都係白身魚較淡，所以會用酸酸地嘅飯。之後就轉咗做赤醋，適合油份重同味濃嘅壽司，糯米飯比較甜。
8. 牡丹蝦
我最中意呢舊，牡丹蝦好爽口同班㗎，加上龍蝦膏勁香口。
9. 大拖羅
師傅話燒咗啲筋，食入口真係入口即溶。原來日本人唔鍾意燒，佢哋覺得咁快用咗好唔抵。我反而鍾意佢入口即溶嘅感覺，唔知大家點諗呢？
10. 海膽 淡雪鹽 日本泉水同壽司飯鋪平再風乾
根室赤海膽加上淡雪鹽，個底好似係十塊餅咁，原來係用日本泉水壽司粉鋪平
11. 銀鱈魚
師傅話係銀鱈魚BB，原來大條就太肥 唔可以燒 會散開 炸咗嘅大蔥
12. 赤鯥
呢款有更多油份同魚味，加咗柚子胡椒中和下。
Maki
手卷有好多材料，勁豐富。有黃蘿蔔、芝麻、蔥、赤身、中拖羅，最後加埋天婦羅脆漿好鬆化。師傅都燒咗啲吞拿魚皮下脂肪，滴咗啲油脂入去，好味。
Soup
最後飲番杯溫暖嘅麵豉湯，滿足！
Dessert
咖啡啫喱，仲有啲忌廉。味道淡淡地，唔會太甜。
最後仲有一半麥茶解膩，師傅一路以嚟嘅解釋都好好，仲有好多表演添。每上一個新壽司之前，師傅都會抺一抺隻碟，細心。
張貼
