鮨一心 (已結業)

放假想同朋友去南生圍行下，順便過黎元朗食午餐，見到呢間日本餐廳食Omakase 套餐好抵食，質素又高，就決定試下。餐廳門口以黑色木裝修為主，係輕鐵站行過黎都好近好方便。我地今日揀咗10貫壽司套餐，坐吧台，可以一路食一路欣賞廚師的技術。前菜是海草素麵溫泉蛋，湯汁係清甜的䜴油汁，素麵係出奇地爽滑彈牙，清清地好開胃，溫泉蛋冰凍易入口，好嫩滑呀。依次係真鯛 , 海女魚, 烏魚子粉平目魚同黑魚子甜蝦壽司，肉質新鮮彈牙，味道清甜，特別係真鯛，魚香味重，肉質彈牙煙韌，有嚼勁。跟住係赤身醬油漬, 鯖魚，帶子同魚籽壽司，魚籽好大粒飽满，咬開魚香味超濃郁，清甜彈牙。馬糞海膽壽司，海膽味道濃郁，軟稔，入口即溶，紫菜爽脆。拖羅壽司，脂肪分佈平均，無筋，入口香味散發。蜆肉味噌湯，熱辣辣，好清甜，重魚味，唔腥，入口美味。食埋個甜品，黑糖糯米糍，咬開煙韌，黃糖粉味甜。