M3 Italian (已結業)

今日去咗大圍同個朋友食飯，特登搵咗一間之前食過覺得幾好食性價比又好高嘅餐廳☺️晏晝有餐湯，好濃稠既甘筍湯～ 之後我哋加嘅芝士條已經嚟咗，超級拉絲！叫咗一份Egg Benedict, 荷蘭醬做得唔錯，好香牛油味 ，個蛋都夠晒流心，個包都幾好味，然後佢仲有好多薯條做side dish 好豐富，薯條炸得好脆，驚熱氣都忍唔住食咗好多～另外有驚喜嘅係呢一隻燒春雞，食落去一啲都唔乾，仲好嫩滑，同朋友都讚不絕口！雞嘅份量好多，2份share食埋薯蓉超級飽！