太爺雞 (已結業)

就黎離開觀塘office, 我要趁離開之前食多幾次我地嘅'飯堂'，其中一間就係呢間太爺雞。午飯時間呢度通常坐冇虛席，皆因佢真係好抵食。一個午餐$3x - $4x, 包例湯同餐飲！今日我叫左個邪惡梅菜扣肉飯餐$38。份量好足！有4大件扣肉，半肥瘦，肥肉燜得軟淋入口溶化，可惜瘦的部份有啲乾。落左梅菜，梅菜半身有咸甜味，加上調味重手左，所以有少少過咸，但味道係唔錯架！加左杯凍檸茶加$2，total $40, 抵食！