茶木‧台式休閒餐廳 (已結業)

平日難得阿媽放假，緊係同佢食個豐富既lunch，茶木既lunch set要平日先有，星期六日得散叫，機會難得緊係要食下。我地一人叫左一個set。午市自選套餐$66-前菜包括3樣，芽菜、滷蛋、滷雞腎。芽菜爽口，滷蛋夠入味，雞腎好好食，滷得夠入味之餘仲有咬口。主食要左醬燒汁沙朗(牛)，牛肉好嫩，有啲黑椒味，仲比足3大塊幾足料，有淹蘿蔔做配菜。另外可以揀紅燒牛肉手作麵、肉燥飯或者新竹米粉。我要左牛肉麵，仲有塊牛𦟌手作麵有啲似刀削麵口感，我幾鐘意，湯底夠濃麵彈牙，真係唔錯。同樣係自選套餐，阿媽超鐘意食茶木既炸排骨，見到有二話不說要左黃金酥炸排骨。的確炸得好酥脆，排骨唔韌，但感覺咸左少少。整體嚟講都唔錯，簡唔中都可以食一餐。平時夜晚都見好多人排隊，但平日午餐會少啲人。