New York Cafe & Bar (已結業)

以前來過 「New York Cafe」食晚餐，見到有午市套餐非常抵食， 所以今日一於試吓! 一個午餐由$54 蚊起， 包餐湯、主菜同餐飮， 真係好抵！ 餐湯係粟米忌廉湯，粟米打成蓉， 味道清甜， 再加入忌廉， 非常香滑。 我叫咗烤雞肉意粉，意粉煮得煙靭有囗感， 雞肉嫩滑，外皮有少少香脆，味道當然好好！ 值得一提就係個凍MOCHA， 做得好出色，有一層好厚嘅cream， 真係又香又滑， 帶有香濃嘅朱古力味， 好飲！我十分支持街坊食店，價錢親民， 真材實料， 係元朗人氣餐廳！